[neidio i'r prif gynnwys | skip to main content]

Dathlu Rygbi Cymru (Cyfres Hwyl Gwyl)

Manylion a Disgrifiad y Llyfr | Book Details & Description

  • ISBN: 9781845271114
  • Awdur: Elin Meek
  • Cyhoeddi Gorffennaf 2007
  • Addas i oed 9-11 neu Cyfnod Allweddol 2
  • Fformat: Clawr Meddal, 280x210 mm, 64 tudalen

Llyfr am draddodiad, hanes, campau ac arwyr rygbi Cymru.

Adolygiad Gwales
Dyma lyfr diddorol a defnyddiol iawn sy’n llawn gwybodaeth am y gêm fawr yma yng Nghymru. Yn wir, does dim angen yr un llyfr arall arnoch, oherwydd mae popeth yn gynwysedig yma – o brif elfennau’r gêm i ddyddiadur wythnos ym mywyd chwaraewr rygbi proffesiynol i hanes y Groggs. Mae’r llyfr hwn yr un mor ddiddorol i’r cefnogwr brwd sydd eisoes yn meddwl ei fod yn gwybod popeth ag ydyw i’r cefnogwr ifanc, newydd.

Ceir yma luniau a diagramau lliw sy’n ddeniadol dros ben, ac yn gymorth arbennig wrth geisio deall rheolau’r gêm neu roi wyneb i’r enwau cyfarwydd hynny sy’n arwyr yn hanes y gêm – Barry John, Mervyn Davies a J. P. R. Williams i enwi ond ychydig. Yn anrheg Nadolig gwych, mynnwch gopi i lenwi hosan, a gallaf eich sicrhau fod yna oriau o fwynhad rhwng cloriau’r gôl adlam hwn o lyfr. Mae un peth yn sicr, bydd yna gopi ar fy silff lyfrau i! Hanfodol i bob ffan chwaraeon.